د «جنبش آزادګان در تبعید» غورځنګ غړو ویلي، ډېری افغان کډوال په بېلا بېلو هېوادونو کې له بېوزلۍ، ناامنۍ او د طالبانو تر واک لاندې افغانستان ته د په زور ایستلو له ګواښ سره مخ دي.
رخشانه: د دې اعتراضي غورځنګ غړو نن (یکشنبې د چنګاښ ۷مه) په یوه اعتراضي غونډه کې، په بېلا بېلو هېوادونو کې د افغان کډوالو د وضعیت په اړه اندېښنه وښوده.
معترضو ښځو په بېلا بېلو هېوادونو کې د افغان ګډوالو وضعیت «ناورین» وباله او د «میلیونونه بې دفاع انسانانو د رنځ په اړه یې د نړیوالې ټولنې» چوپتیا محکومه کړه.
د دې غورځنګ غړو زیاته کړه، له دې کډوالو ډېری هغه یې ښځې، د بشري حقونو فعالان او هغه کسان دي، چې د طالبانو له جنسیتي ځپنې یې تېښته کړې ده.
دوی ټينګار وکړ، سره له دې، چې مدني بنسټونو او د بشري حقونو سازمانونو په وار وار خبرداری ورکړی، خو نړیواله ټولنه تر اوسه په دې نه ده توانېدلې، چې دې انساني بحران ته وړ ځواب ورکړي.
هغوی د افغان کډوالو د پناه غوښتنې د دوسیو پروسه اوږده او ستونزمنه بللې او د پناه غوښتونکو لپاره د مرستې چینلونو د بندېدو په اړه یې اندېښنه څرګنده کړې ده.
معترضو ښځو د افغان کډوالو د ایستلو ژر تر ژره درېده او د هغوی د پناه غوښتنکې او نویو مېشت ځایونو د پروسې ګړندي کولو غوښتنه وکړه.
دوی همدار د افغان کډوالو د ملاتړ زیاتواي، د هغوی د لېږد لپاره د امن لارو رامنځ ته کولو او د کډوالو د انساسي حقونو په اړه یې د نړیوالو بنسټونو د ځواب ویلو غوښتنه وکړه.
