په افغانستان کې د ملګرو ملتونو د بشري مرستو د همغږۍ (اوچا) دفتر مشر اولګا چروکو وايي، افغانستان کې هره میاشت کابو ۵۰ تنه د ناچاودو توکو په چاودنو کې وژل کېږي یا ټپیانېږي.
رخشانه: اوچا نن (چهارشنبې د چنګاښ ۱۰ مه) په خپله اېکس پاڼه د یوې ویډیو په خپرولو سره لیکلي، افغانستان د ناچاودو توکو د چاودنو د مرګ ژوبلې له پلوه نړۍ کې درېیم هېواد دی.
افغانستان کې د ملګرو ملتونو دې دفتر زیاته کړې، افغانستان کې د ناچاودو توکو او ماینونو د چاودنو ۸۰ سلنه قربانیان ماشومان دي.
اوچا وايي، د جنوري او می میاشتو تر منځ افغانستان کې د ناچاودو توکو او ماینونو په چاودنو کې د مرګ ژوبلې شمېر ۱۷۵ تنه راپور ورکړل شوی، چې ۷۵ سلنه یې ماشوم دي.
د اوچا په وینا، د روان میلادي کال تر جون میاشت پورې د ۱۴.۵ میلیون اړتیا وړ ډالرو څخه یوازې ۳.۶ میلیون ډالره د ماین پاکۍ د عملیاتو لپاره چمتو شوي دي.
افغانستان کې د بشري حقونو د بشري مرستو د همغږۍ دفتر ویلي، چې بېړنی ملاتړ به د ډېرې مرګ ژوبلې مخه ونیسي.
