جوزجان کې د طالبانو امنیه قومانداني وايي، د دې ولایت درزاب ولسوالۍ کې یو ځوان د چړې په ګوزارونو وژل شوی دی.
رخشانه: امنیه قوماندانۍ د یوې خبرپاڼې په خپرولو سره ویلي، دا ځوان پرون سه شنبې د (چنګاښ ۱۶ مه) وژل شوی دی.
خبرپاڼه کې ویل شوي، دا ۱۴ کلن ځوان عزیزالرحمن نومېده او د درزاب ولسوالۍ اصلي اوسېدونکی وو.
د خبرپاڼې له مخې، دا ځوان د یوه ۲۵ کلن سړي له خوا د چړې په ګوزارونو وژل شوی دی.
جوزجان کې د طالبانو امنیه قومانداني وايي، دې سړي د پېښې له رامنځ ته کېدو وروسته، د دې ولایت مرکز شبرغان ښار ته تېښته کړې وه، چې د دوی د ډلې د ځواکونو له خوا ونیول شو.
طالبانو د دې وژنې د علت او انګېزې په اړه څه نه دي ویل.ي
په وروستیو میاشتو کې مرموزې وژنې او جنایی پېښې د هېواد په بېلا بېلو ولایتونو کې زیاتې شوې دي.
تېره اوونۍ د بلخ ولایت مرکز مزارشریف ښار کې له یوې ځوانې جوړې، سرونه د یوه کس له خوا پرې شوي وو.
