د «ښځو د حرکت شبکې» غړ له پاکستان نه د افغان کډوال ایستل په کلکه وغندل وايي، دا اقدام د انسانو له ژوند سره سیاسي لوبه ده.
رخشانه: د دې اعتراضي غورځنګ غړو په یوه اعلامیه کې له پاکستان نه د افغان کډوالو په زور ایستل په کلکه وغندل.
د دې غورځنګ په اعلامیه کې راغلي، د پاکستان او طالبانو تر منځ د کړکېچ زیان، ښځو، مدني فعالانو، خبریالانو، د بشري حقونو مدافعینو او د طالبانو نورو مخالفینو ته رسي.
معترضو ښځو ویلي، له پاکستان نه د افغان کدوالو د ستنولو په صورت کې به، هغوی د نیونې، ربړونې، اجباري ورکولو او ان مرګ له سختو ګواښونو سره مخ شي.
دوی زیته کړې، د کډوالو ډلیزه ایستنه، د هغوی د فردي وضعیت له ارزولو پرته، یو نه منوونکی اقدام او د نړیوالو ژمنو خلاف دی.
معترضو ښځو ویلي، د بشري حقونو فعالانو خبریالان، د مدني ټولنې غړي، پخواني امنیتي ځواکونه او ټول هغه کډوال چې د طالبانو تر تعقیب لاندې دي، باید له هر ډول ایستل کېدو مستثنا شي او بېړنی نړیوال ملاتړ باید تر لاسه کړي.
دوی له ملګرو ملتونو، د کډوالو عالي کمېشنرۍ، د بشري حقونو شورا، دولتونو او نړیوالو بنسټونو غوښتي، چې چې د زرګونه افغان ښځو او سړیو د برخلیک په اړه چوپه خوله پاتې نه شي.
د «ښځو حرکت شبکې» غړو د پاکستان له دولت نه وغوښتل، چې په بېړنۍ توګه ټولو هغو له ګواښ سره مخ کسانو له ایستلو له په زور ایستلو څخه ډډه وکړي.
هغوی له ملګرو ملتونو، دموکراتیکه دولتونو، نړیوالو بنسټونو او د بشري حقونو له مدافعینو هم غوښتي، چې د کواښ سره مخ کسانو د قانوني او خوندي لېږدل لپاره امن لارې برابرې کړي.
معترضو ښځو همدارنګه له ملګرو ملتونو، نړیوالو بنسټونو او د بشري حقونو له مدافعینو غوښتي، چې په افغانستان کې د جنسیتي توپیر له منځه وړلو او د بشري حقونو څخه د سرغړونو په خاطر طالبان ځواب ویوونکي کړي او عملي اقدامات تر سره کړي.
د طالبانو او پاکستان تر منځ د شخړو، کړکېچ له زیاتېدو او د جګړې د ښکېلو غاړو تر منځ د بې خبرو اترو بې پایلې کېدو سره، پاکستان د افغان کډوالو د ایستلو لړۍ پراخه او چټکه کړې ده.
له پاکستان نه د افغان کډوالو ایستلو د بشري حقونو د بنسټونو اندېښنې له ځان سره لري. د دې بنسټونو په وینا، هغه کسان چې له ګواښ سره مخ دي، نه باید افغانستان ته ستانه کړای شي، ځکه دا کسان د طالبانو له خوا نیول کېږي.
