له «پولیو د پاک افغانستان» پاڼې اعلان کړی، چې په هېواد کې د ماشومانو لپاره د څو واکسینونو د چټک تطبیق (MAAC) کمپاین په ورته وخت پیل شوی دی.
رخشانه: دې پاڼې په خپل اېکس پاڼې د یوې پوسټ په خپرولو سره لیکلي، دغه کمپاین نن (شنبې د زمري ۱۰ مه) پیل او تر راتلونکو لسو ورځو به دوام ولري.
له پولیو د پاکس افغانستان پاڼې ویلي، په دې کمپاین کې به ماشومانو ته د عمر او اړتیا پر اساس د پولیو څاڅکي، د پولیو غیر فعاله واکسین، د شري، پنټاوالنټ، سینه بغل او نس ناستي واکسین ورکړل شي.
معلومه نه ده، چې په هېواد کې به د څومره شمېر ماشومان واکسین تر لاسه کړي.
په هېواد کې ماشومان د پولیو ویروس سربېره، په نورو ویروسونو لکه، شری او پنټاوالنټ هم اخته کېږي.
افغانستان او پاکستان په نړۍ کې هغه دوه هېوادونه دي، چې تر اوسه د پولیو یا د ماشومانو د ګذڼ په له منځه وړلو نه دي بریالي شوي.
د روغتیا نړیوال سازمان د راپور له مخې، د روان میلادي کال له پیله تر اوسه پورې، په نړۍ کې د پولیو د ۱۴ مثبتو پېښو راپور ورکړل شوي، چې ۱۱ پېښې یې په افغانستان او ۳ نورې یې په پاکستان کې دي.
د دې سازمان د راپور پر بنسټ، روان میلادي کال په افغانستان کې د پولیو ویروس ۴۶ مثبتې چاپېریالي بېلګې ثبت شوې دي.
