د روغتیا نړیوال سازمان (WHO) په یوه راپور کې ویلي، د ۲۰۲۶ کال له پیل راهیسې تر اوسه پورې، په افغانستان کې د پولیو یا ماشومانو د ګذڼ ۱۵ مثبتې پېښې ثبت شوې دي.
رخشانه: دې سازمان پرون دوشنبې د (زمري ۱۲ مه) په هېواد کې د پولیو د یوې بلې مثبتې پېښې د ثبتېدو خبر ورکړی دی.
د روغتیا نړیوال سازمان په راپور کې راغلي، په افغانستان کې د پولیو چاپېریالي پېښې هم ۵۳ بېلګو ته رسېدلې دي.
یاد سازمان زیاته کړې، افغانستان دا مهال په نړۍ کې د پولیو تر ټولو لوړه شمېره لري.
دا مهال افغانستان او پاکستان په نړۍ کې یوازیني هېوادونه دي، چې د پولیو ویروس په له منځه وړولو نه دي توانېدلي.
د روغتیا نړیوال سازمان درې اوونۍ وړاندې، د روان کال په اوږد کې، په افغانستان کې د پولیو ویروس یا د ماشومانو د ګذڼ د څلورو مثبتو پېښو خبر ورکړی وو.
دغه سازمان کابو یوه نیمه میاشتې وړاندې هم په کونړ او هلمند ولایتونو کې د پولیو د دوه مثبتو پېښو خبر ورکړی وو.
