ننګرهار کې ځايي سرچینې وايي، د دې ولایت د مرکز جلال آباد ښار د درېیمې ناحیې اړوند سیمه کې د یوې ۱۲ کلنۍ جسدو موندل شوی دی.
رخشانه: جلال آباد ښار کې دوه ځايي سرچینو ویلي، د دې ماشومې نجلۍ جسد نن (پنشنبې د زمري ۱۵ مه) د «بابریان» سیمه کې په یوه کرلې ځمکه کې د سیمې د خلکو له خوا پیدا شوی دی.
تر اوسه معلومه نه ده، چې دا نجلۍ د چا لخوا او په څه دلیل وژلې شوې ده. سرچینو زیاته کړې، د دې ماشومې نجلۍ جسد نن خاورو ته وسپارل شو.
د دې نجلۍ کورنۍ له طالبانو غوښتي، چې د هغې د وژنې عاملین ونیسي او قانون ته یې وسپاري.
تر اوسه ننګرهار کې ځايي طالب چارواکو د دې پېښې اړه څه نه دي ویلي.
