بنګله دېش کې افغان محصلې نجلۍ سکینه بېګزاد، په تایلنډ هېواد کې د Hero Taekwondo Championship) تکواندو نړیوالو سیالیو په نهمه لړۍ، کې یو د سپینو زرو او یو د برنزو مډالونه تر لاسه کړل.
رخشانه: دغه لوبې د جولای له ۳۱ مې د اګست تر ۲ مې پورې د تایلنډ هېواد په پتایا ښار کې، د دېرشو هېودونو د ۴۰۰۰ څخه زیاتو لوبغاړو په ګډون تر سره شوې.
سکینه بېګزاد په بنګله دېش هېواد کې د کمپیوټر ساینس زده کړیاله ده. هغه د بنګله دېش د تکواندو په یوه کلپ کې هم تمرین کوي.
بېګزاد د خپل بنګله دېشي روزونکي په همکارۍ او د افغانستان په استازولۍ په دې لوبو کې ګډون کړی وو. دا لوبغاړې نجلۍ په دې لوبو کې د افغانستان یوازینۍ استازې وه.
هغه د «پرومسه» څانګې د سیالۍ په ډګر کې په ځلېدو سره د برنزو او د «Speed Punch» په څانګه کې د سپینو زرو مډال وګاټه.
بېګزاد په داسې حال کې د مډالونو په ګټلو بریالی کېږي، چې د طالبانو تر واک لاندې افغان نجونې له لوبو محرومې دي.
طالبانو پر هېواد تر ولکې وروسته، د نورو محدودیتونو سربېره، ښځې له لوبو منع کړې او د ښځو ټولې ملي لوبډلې یې لغوه اعلان کړې.
په تېرو پنځو کلونو کې یو شمېر افغان لوبغاړې چې په جلاوطنۍ کې ژوند کوي، په نړیوالو ډګرونو کې ځلېدلې او د ډول ډول مډالونو په ترلاسه کولو یې، د سپورت په برخه کې افغانستان ځلولی دی.
