د روغتیا نړیوال سازمان (WHO) افغانستان کې د پولیو ویروس یا ماشومانو د ګډن د څلورو نورو مثبتو پېښو د ثبت خبر ورکړی وايي، د ۲۰۲۶ له پیل راهیسې تر اوسه پورې د پولیو یا ماشومانو د ګذڼ د مثبتو پېښو شمېر ۱۹ ته ورسېد.
رخشانه: دې سازمان پرون ناوخته یکشنبې د (وږي اوله) ویلي افغانستان کې په وروستۍ اوونۍ کې د پولیو څلور نورې مثبت پېښې ثبت شوې دي.
له دې څلورو پېښو دوه هغه یې د هرات په «شینډنډ او ادرسکن» ولسوالیو، یوه هغه یې د پکتیکا په «ډیله» او یوه بله یې د کندهار ولایت په «ارغستان» ولسوالۍ کې ثبت شوي دي.
د روغتیا نړیوال سازمان لیکلي، ۲۰۲۶ کال کې تر اوسه د پولیو ویروس ۱۷۶ چاپېریالي پېښې پېژندل شوې، چې ۵۸ مورده یې د افغانستان او ۱۱۸ نورې یې د پاکستان اړوند دي.
د روغتیا نړیوال سازمان ویلي، افغانستان دا مهال په نړۍ کې د پولیو ویروس تر ټولو لوړې شمېرې لري.
دا مهال افغانستان او پاکستان په نړۍ کې یوازیني هېوادونه دي، چې د پولیو ویروس په لمنځه وړلو نه دي بریالي شوي.
څو ورځې وړاندې له «پولیو د پاک افغانستان» پاڼې اعلان وکړ، چې د پولیو د واکسین د کمپاین نوې لړۍ یې وروستیو مثبتو پېښو زیاتېدو ته د ګړندي ځواب او مخنیوي په خاطر د هېواد په پنځو ولایتونو کې پیل کړې ده.
