په افغانستان کې د ملګرو ملتونو د ښځو څانګې (UN Women) ویلي دي، افغانستان کې له هرو ۱۰ شځو ۷ هغه یې له ناوړه رواني حالت سره مخ دي.
رخشانه: دې بنسټ په خپله اېکس پاڼه له افغان ښځو او نجونو د ملاتړ غوښتنه کړې ده.
د ملګرو ملتونو د ښځو څانګې لیکلي، له زده کړو، کار او په عمومي ژوند کې له ګدونه د کلونو محرومیت، د افغان ښځو او نجونو روغتیا او رواني حالت ته ژور زیان رسولی دی.
د دې بنسټ په وینا، د طالبانو محدودیتونه د دې لامل شوي، چې افغانستان کې له هرو ۱۰ ښځو ۷ هغه له ناوړه رواني حالت سره ژوند کوي.
ملګرو ملتونو د طالبانو تر واک لاندې افغانستان کې د ښځو او نجونو د ملاتړ غوښتنه کړې ده.
د ملګرو ملتونو د ښځو څانګې لیکلي: «موږ باید د هغوی تر څنګ ودرېږو او همدارنګه د هغو خدماتو او ملاتړونو لپاره چې دوی ورته اړتیا لري پانګونه وکړو.»
طالبانو په افغانستان کې د ښځو په وړاندې د سختو او سیستماتیکو محدودیتونو په لګولو سره، د نیمايي وګړو حقونه له منځه وړي دي.
دې ډلې په تېرو څه باندې پنځو کلونو کې د ښځو او نجونو پر ضد له ۱۰۰ زیات فرمانونه صادر کړي، چې تبعیض یې بنسټیز او د هغوی اساسي حقونه یې ترې اخیستي دي.
د ملګرو ملتونو د راپور له مخې، افغانستان کې نیمايي ښځې او نجونې په تګ راتګ او عمومي ځایونو ته پر لاسرسي د کلکو بندیزونو له امله، په میاشت کې یو یا دوه ځلې له کوره د باندې وځي.
