د «افغانستان لپاره د ښځو بنسټ» اعلان کړی، چې «افغانستان کې د ځواب ویلو میکانېزمونو د پیاوړتیا لپاره چوکاټ» یې د څو نورو بنسټونو په همکارۍ، په جینوا ښار کې د یوه پروګرام په ترڅ کې وړاندې کړی دی.
رخشانه: دا پروګرام پرون جمعه د (وږي ۱۳) د بشري او ښځو د حقونو د فعالانو او په جینوا کې په ملګرو ملتونو کې د ایرلنډ او کاناډا د دایمي استازو په شتون کې جوړ شو.
د «افغانستان لپاره د ښځو بنسټ» ویلي، دا سند له ۷۰ څخه زیاتو ملي او نړیوالو سازمانونو، د معترضو ښځو، بري حقونو او تخصصي بنسټونو په سلا مشورو او د افغانستان د بشري حقونو لپاره د ملګرو ملتونو د ځانګړي راپور ورکوونکي د دفتر سره په همغږۍ چمتو شوی دی.
د دې بنسټ په وینا، د دې سند موخه د ځواب ویلو میکانېزمونو پیاوړتیا او اغېزمن کارولو او د دې تګلارو د پلي کولو په پروسه کې د ملي بنسټونو د پراخ ګډون لپاره لارښوونې چمتو کول دي.
په دې تګلارو کې د افغانستان لپاره خپلواک تحقیقاتي میکانېزم، د جرمونو په نړیواله محکمه کې روانې محاکمې، د جنسیتي توپیر د جرم کولو کمپاین او په افغانستان کې د بشري حقونو د ځانګړي راپور ورکوونکی دفتر شامل دي.
د دې سند له مخې، هېوادونه او اړونده نړیوال بنسټونه باید د روڼتیا زیاتولو لپاره همکاري وکړي او د طالبانو د ځواب ویلو پروسې اړوند بنسټونو او شخصتیونو سره نېغې اړیکې رامنځ ته کړي.
د دې سند په مخکتنه کې په ملګرو ملتونو کې د اروپايي ټولنې دایمي استازي، د افغانستان د بشري حقونو لپاره ځانګړي راپور ورکوونکي، د برابرۍ او بشري حقونو لپاره د هسپانیا سفیر او د افغانستان لپاره د ښځو بورډ مشرې فوزیې کوفي ویناوې وکړې.
په دې پروګرام کې په افغانستان کې د ښځو په وضعیت باندې د دې میکانېزمونو اغېزې او په ټولنه کې د هغوی د تحقق او پلي کولو لپاره د نارینه وو په رول هم خبرې شوې دي.
طالبانو پر هېواد په تېرو پنځه کلنه واکمنۍ کې د ښځو او نجونو په وړاندې له ۱۰۰ زیات فرمانونه صادر کړي او هغوی یې خپلو تر ټولو لومړنیو اساسي حقونو ته له لاسرسي محرومې کړې دي.
د بشري حقونو بنسټونو او معترضو ښځو په تېرو پنځو کلونو کې په پرلپسې توګه طالبان د «جنستي توپیر» په چلند تورن کړي، پر ښځو د محدودیتونو لغوه کولو او د طالبانو د دې محدودیتونو د پلي کولو په اړه یې د ځواب ویلو غوښتنه کړې ده.
