افغانستان کې د ملګرو ملتونو د بشري مرستو د همغږۍ دفتر (اوچا) وايي، افغان ماشومان د زده کړو او یدولو لپاره له ګڼو ستونزو سره مخ دي.
رخشانه: دې بنسټ نن (سه شنبې د وږي ۱۷ مه) د سودادي زده کړې د نړیوالو ورځې په مناسبت ویلي دي سوادي زده کړې، د پوهې، فرصتونو او خوندي راتلونکې په لوري دروازې پرانیزي.
د دې دفتر په وینا، په زده کړو بنسټیزه پانګونه اړینه ده، تر څو د زده کړو دروازې پرانستې پاتې شي او هر ماشوم وده وکولی شي.
په ورته وخت افغانستان کې د ملګرو ملتونو د ماشومانو د ملاتړ صندوق استازي ډاکتر تاج الدین اویوالي ویلي دي، افغانستان کې نوي سلنه لس کلن ماشومان هڅه کوي، د لوست لومړنیو مهارتونو ته لاسرسی پیدا کړي.
د ملګرو ملتونو د ماشومانو د ملاتړ صندوق دا موضوع یو «تریخ واقعیت» بیان کړی او په افغانستان کې یې د لومړنۍ سوادي زده کړې په برخه کې د پانګونې غوښتنه کړې ده.
نوموړي ټینګار کړی، چې د هر ماشوم لپاره باید د لوستلو، زده کولو او غوړېدو فرصت برابر کړای شي.
طالبانو په تېرو پنځو کلونو کې د ښځو او نجونو په وړاندې د محدودیتونو سربېره، هغوی له زده کړو هم محرومې کړې. دا مهال له شپږم ټولګي بره نجونې له زده کړو بې برخې دي او ځوانې نجونې هم پوهنتون ته د تګ اجازه نه لري.
د ملګرو ملتونو د عملي، کلتوري او ښوونیز سازمان (یونسکو) د راپور له مخې، د طالبانو په تېره پنځه کلنه واکمنۍ، چې شاوخوا ۲.۴ میلیونه افغان نجونې له زده کړو محرومې شوې دي.
د یونسکو په راپور کې راغلي دي، په هېواد کې د نجونو په زده کړو د طالبانو محدودیتونو، د زده کړو د فرصتونو په برخه کې پراخ او د کلونو پرمختګونه درولي دي.
