د روغتیا نړیوال سازمان (WHO) افغانستان کې د پولیو یا ماشومانو د ګوزڼ د څلورو نورو مثبتو پېښو خبر ورکړ وايي، د روان ۲۰۲۶ کال له پیله تر اوسه په دې هېواد کې د پولیو یا ماشومانو د ګوزڼ ۲۳ مثبتې پېښې ثبت شوې دي.
رخشانه: دې سازمان پرون ناوخته (سه شنبې د وږي ۱۷ مه) په خپل یوه وروستي راپور کې ویلي، دا څلور پېښې، په هلمند، کونړ، نورستان او فراه ولایتونو کې پېژندل شوې دي.
روغتیا نړیوال سازمان په راپور کې راغلي، روان میلادي کال تر اوسه پورې په افغانستان کې د پولیو ۲۳ مثبتې انساني پېښې او ۷۶ چاپېریالي پېښې ثبت شوې دي.
د دې سازمان د شمېرو له مخې، دا مهال افغانستان په نړۍ کې د پولیو ډېرې پېښې لري.
د روان لومریز کال په پیل کې هم د روغتیا نړیوال سازمان اعلان کړی وو، چې د پولیو څلور مثبتې پېښې په هرات، پکتیکا او کندهار ولایتونو کې ثبت شوې دي.
دا مهال افغانستان او پاکستان په نړۍ کې یوازیني هېوادونه دي، چې د پولیو ویروس په لمنځه وړلو نه دي بریالي شوي.
