غزني کې د طالبانو امنیه قوماندانۍ په یوه خبرپاڼه کې ویلي، د دې ولایت رشیدان ولسوالۍ کې یو ماشوم د اوبو تالاب ته لوېدلی او ژوند یې له لاسه ورکړی دی.
رخشانه: خبرپاڼه کې راغلي، دا پېښه پرون یکشنبې د (وږي ۲۲ مه) مازیګر مهال د رشیدان ولسوالۍ په «خوشحال خېل بالا» کلي کې رامنځ ته شوې ده.
د خبرپاڼې له مخې، یو ماشوم د اوبو تالاب ته لوېدلی، چې د ډوبېدو له امله یې ژوند له لاسه ورکړی دی.
خبرپاڼه کې راوړل شوي، د اوبو دا تالاب د کور د ننه وو.
د دې ماشوم عمر دوه کاله ښودل شوی دی.
د دې ماشوم د هویت او جنسیت په اړه معلومات په لاس کې نشته.
هر کال د هېواد په یو شمېر ولایتونو کې لسګونه ماشومان، څاه ګانو او د اوبو تالابونو ته د لوېدو له امله ژوند له لاسه ورکوي.
دا پېښې د کورنیو د بې پروایۍ او د څاه ګانو او تالابونو د سرونو د خلاص پرېښودو له امله رامنځ ته کېږي.
