د «حال وش» بشري حقونو سازمان، چې د سیستان او بلوچستان خبرونه پوښي وايي، د ښځو او ماشومانو په ګډون ۱۷ افغان کډوال د ایران د سروان ولسوالۍ د روتک سیمې په پولو کې له تندې مړه شوي دي.
رخشانه: دې سازمان په خپله اېکس پاڼه لیکلي، دا پېښه د پنشنبې په ورځ د «وږي ۱۹ مه) د ایران د سراوان ولسوالۍ د «مک ستوخته» په سیمه کې رامنځ ته شوې ده.
حال وش لیکلي، د دې کسانو جسدونه له سیمې سړو خونو ته لېږدول شوي دي.
د راپورله مخې، له قربانیانو پنځه تنه له هغې جملې یوه ۴۵ کلنه ښځه او څلور، ۱۴،۱۶،۱۸او۲۲ کلنې نجونې د بغلان ولایت او د یوې کورنۍ غړې دي.
د حال وش د بشري حقونو سازمان لیکلي، د دې پېښې د نورو مړو شویو کسانو په منځ کې شپږ ماشومان، چې له ۱۴ کلنۍ ټیټ عمر لري شته.
دا کسان د لارې په اوږدو کې د اوبو له کمښت سره مخ شوي او یو شمېر یې یو بل ته په ډېر نېږدې واټن کې د تندې له امله ژوند له لاسه ورکړی دی.
حال وش ویلي، د دې ټولو قربانیانو د هویت او د پېښې د څرنګوالي په اړه څېړنې روانې دي.
تر اوسه ایراني رسنیو او د ایران دولت په دې اړه څه نه دي ویلي.
شاوخوا دوه میاشتې وړاندې هم په ورته پېښه کې څو تنه چې له قاچاقي لارو ایران ته روان وو، په دښتو کې د تندې له امله ژوند له لاسه ورکړی وو.
