افغان بایسکل چلوونکې لوبغاړې فرېبا هاشمي جاپان هېواد کې د «ناګویا آسیايي سیالیو» واټ د سپینو زرو مډال ګټونکې شوه.
رخشانه: هاشمي نن سهار (سه شنبې د وږي ۳۱ مه) د سړک سیالۍ برخه کې د ۲ ساعت، ۵۰ دقیقو او ۵ ثانیو په موده کې د پای لیکې څخه تېره او په سیالۍ کې یې دویم مقام تر لاسه کړ.
په دې سیالۍ کې، چینايي لوبغاړې یوازې د یوې ثانیې څوسومه برخې وروسته، کې د هاشمي څخه مخکې، لومړی مقام او د سرو زرو مډال وګاټه.
د فرېبا هاشمي د سپینو زرو مډال له آسیايي لوبو د افغان ښځینه لوبغاړو په تاریخ کې لومړی مډال دی.
یولدوز هاشمي او زهرا رضايي په دې برخه کې دوه نور افغان بایسکل چلوونکې وې، چې په ترتیب سره یې ۲۹ او ۳۴ مقامونه تر لاسه کړل.
جاپان کې د ناګویا آسیايي لوبو شلم پړاو له څه مودې راهیسې د بېلا بېلو آسیایي هېوادونو تر منځ دوام درلود.
فرېبا هاشمي له دې وړاندې هم په ۲۰۲۲ میلادي کال کې، سیویس کې د افغان ښځو د بایسکل ځغلولو سیالیو اتله شوې وه.
واک ته د طالبانو له بیا راتګ وروسته، افغان ښځې او نجونې په بشپړ ډول په هېواد کې د لوبو له ټولو برخو څخه منع شوې او د ښځیو ملي لوبډلې هم منحل شوې.
