د «بدلون لپاره د ښځو اتحاد» بنسټ (WUC) وايي، افغان ښځې باید د خپل هېواد په اړه د راتلونکو خبرو اترو په مرکز کې ځای ولري.
رخشانه: دې بنسټ نن (دوشنبې د تلې ۶ مه په یوه لیک کې د ملګرو ملتونو له سرمنشي او غړو هېوادونو غوښتي، چې «افغانستان باید د [ملګرو ملتونو د عمومي اسامبلې د غوندې لومړیتوب] پاتې شي.
دوی په دې لیک کې زیاته کړې، افغان ښځې د خپل هېواد د راتلونکې په جوړونه کې، مشرانې، مدافعان، کارپوهانې او اساسي ګډونوالې دي.
د دې بنسټ په وینا، هغه وړاندیزونه چې افغان مېرمنو د ملګرو ملتونو د عمومي اسامبلې د ۸۱ مې غوندې په څنډو کې وړاندې کړې، باید د هغو دیپلوماتیکو سیاسیتونو، پرېکړو او تګلارو بنسټ وي، چې له دې وروسته کېږي.
د «بدلون لپاره د ښځو اتحاد» ویلي، د افغانستان په اړه په ټولو سیاسي او سیاست جوړونې پروسو کې باید د افغان ښځو مستقیم او مانا لرونکی ګډون د بین الاافغاني خبرو اترو مرکز کې وي.
دا بنسټ وايي، د افغانستان په راتلونکو سیاسي پروسو کې د ښځو او نجونو د اساسي حقونو بیارغونه او ستانه، له هغې جملې، د زده کړو، کار، تګ راتګ، عدالت ته د لاسرسي او په عمومي ژوند کې د ګډون حق باید په لومړیتوب کې وي.
دې بنسټ ټینګار کړي، چې د افغان ښځو او نجونو له حقونو د سرغړونو لپاره ځواب وینه باید پیاوړې شي او د باور وړ نړیوال حساب ورکولو میکانېزمونو څخه باید ملاتړ وشي.
د بدلون لپاره د ښځو اتحار وايي، نړیواله ټولنه باید ډاډ تر لاسه کړي، چې د افغانستان په اړه پرېکړې، د دې هېواد د ښځو د غږ، تخصص او مشري منعکسوي.
یاد بنسټ زیاته کړې، د هېواد په راتلونکې جوړونه کې د افغان ښځو رول باید په رسمیت وپېژندل شي، ځکه له ښځو پرته د دې هېواد راتلونکې نه شي جوړېدای.
