تخار کې ځايي طالب چارواکي وايي، د دې ولایت خواجه غار ولسوالۍ کې د یوه ماشوم هلک جسد موندل شوی دی.
رخشانه: تخار کې د طالبانو د امنیه قوماندانۍ ویاند نقیب الله مسرور وايي، د دې ماشوم جسد د دوشنبې په شپه (د تلې ۲۰ مه) د خواجه غار ولسوالۍ د «هزار باغ» په سیمه کې د یوه باغ د ننه موندل شوی دی.
د هغه په وینا، دا هلک د خواجه غار ولسوالۍ د «مینګ چقور» کلي اصلي اوسېدونکی وو.
تخار کې د طالبانو د امنیه قوماندانۍ ویاند ویلي، دا ماشوم اته کلن وو.
نوموړي مشخصه کړې نه ده، چې دا هلک څنګه او د چا له خوا وژل شوی دی.
طالبانو ویلي، د دې پېښې په تړاو یې درې تنه نیولي او د هلک د وژنې د څرنګوالي په اړه پلټنې پیل شوې دي.
