افغانستان کې د اروپايي ټولنې دفتر (EU) وايي، افغانستان کې د ښځو او نجونو په وړاندې د طالبانو محدودیتونه، له دې ډلې سره د اړیکو عادي کولو په وړاندې خنډ ګرځېدلی دی.
رخشانه: دې بنسټ نن (پنشنبې د تلې ۲۳ مه) په یوه اعلامیه کې کابل ته د اروپايي ټولنې د ځانګړي استازي توماس فریلیسن د دوه ورځني سفر د پای ته رسېدو خبر ورکړی دي.
افغانستان کې د اورپايي ټولنې استازولۍ په خپله اعلامیه کې لیکلي، توماس فریلیسن په دې سفر کې له طالبانو، د ملګرو ملتونو له استازو، اسلامي همکاریو سازمان او مدني ټولنې له غړو سره لیدلي دي.
د افغانستان لپاره د اورپايي ټولنې ځانګړي استازي په دې لیدونو کې د بشري حقونو د وضعیت او پر ښځو او نجونو د طالبانو د محدودیتونو په اړه خبرې اترې کړې او پر ښځو د طالبانو د محدودیتونو له دوام نه یې اندېښنه ښودلې ده.
نوموړي په دې لیدنه کې، کابل کې د طالبانو غړو ته ویلي، پر ښځو او نجونو د محدودیتونو لګول، له دې ډلې سره د اړیکو عادي کولو په وړاندې خنډ ګرځېدلی دی.
همدارنګه توماس فریلیسن په دې لیدنه کې د افغانستان او پاکستان تر منځ د شخړو پر کمېدو ټینګار کړی او له دې ډلې یې غوښتي، چې د ملکي وګړو او غیرنظامي بنسټونو خوندیتوب وکړي.
نوموړي ویلي دي «په نړیواله ټولنه کې د افغانستان بیا ادغام» «د افغانستان د نړیوالو ژمنو عملي کولو او ټولګډونه حکومت ته په اهمیت ورکولو» پورې تړلی دی.
