د پاریس فېشن اوونۍ کې د لګدوۍ نمونې د اصلیت د نه یادولو په اړه د هزاره ټولنې د یو شمېر فعالانو له نیوکو، د ګابریلا هرسټ برنډ او فیروزکوه بنسټ ویاندې جنیفر ککانلي وايي، «د پاریس فېشن اوونۍ کې ګلدوزي شوې نمونه د هزاره ګانو اصلي هنر دی.»
رخشانه: جنیفر کانلی د رخشانې رسنۍ د لیکل شوې پوښتنې په ځواب کې وايي، د ګابریلا هرسټ برنډ او فیروزکوه بنسټ د ۲۰۲۷ کال د پسرلي او دوبي ټولګې په ۱۲ مه شمېر طرحه کې د ګلدوزۍ کارول شوې نمونه، د هزاره ګانو اړوند ده.
هغې، ګابریلا هرسټ برنډ او فیروزکوه بنسټ ته د هزاره ټولنې د شمېر فعالانو د اعتراض لیک له لیکونکو مننه وکړه، له هغه لیک نه چې په کې د پاریس فېشن اوونۍ کې د ګلدوزۍ د وړاندې شوې نمونې د نه یادولو په اړه یې نیوکه شوې وه.
کانلی لیکلي دي، د ګابریلا هرسټ او فیروزکوه بنسټ د ۲۰۲۷ کال د پسرلي او دوبي ټولګې ۱۲ مه شمېره نمونه «د هزاره وګړو اړوند ده او دا اثر د هزاره صنعت ګرو مېرمنو د هنر او هڅو حاصل دی، چې هغه یې په خپلو لاسونو ګنډلی دی.»
نوموړې لیکلي: «دا ډیزاین له هغه تاریخي اثر څخه الهام اخیستی، چې په ۱۹۵۰ میلادي کال په غزني کې هزاره مېرمنو جوړ کړی وو. فیروزکوه بنسټ کابل کې د هزاره ګلدوز مېرمنو سره په همکارۍ د ډیزاین او انتخاب په اړه سلا مشورې وکړې او هزاره ښځینه هنرمندانو د نوي ډیزاین د لاسي ګنډلو برخې جوړې کړې.»
کانلي زیاته کړې، ګابریلا هرسټ برنډ او فیروزکوه بنسټ، د هزاره ټولنې د فعالانو د اعتراض لیک تر لاسه کولو وروسته، په خپلو انسټاګرام پاڼو خپاره شوي مطالب اصلاح کړل او مستقیم یې د لیکوالانو لیک ته ځواب ورکړ.
هغې ادعا کړې، چې د فیروزکوه بنسټ مشرې شوشانا استوارت د پاریس فېشن اوونۍ اړوند اعلامیه کې، د غزني د هزاره وګړو دودیزې جامې د دې ټولګې د الهام اخیستو د سرچینې په توګه یادونه کړې.
د ګابریلا هرسټ برنډ او فیروزکوه بنسټ ویاندې په ټینګار سره ویلي، ښه ترا پوهېږي، چې د ګلندوزۍ دا هنر تر کومې کچې د هزاره ټولنې لپاره ارزښت لري.
ګابریلا هرسټ برنډ او فیروکوه بنسټ ټينګار کړی، چې افغان ښځو ته ځانګړی درناوی لري او په خپله همکارۍ سره به د هغوی ملاتړ ته دوام ورکړي.
د یادونېد ه، دوه ورځې وړاندې د هزاره ټولنې یو شمېر فعالانو د پاریس فېشن اوونۍ په مراسمو کې د مشهور فېشن ډیزاینر ګابریلا هرسټ برنډ او فیروکوه بنسټ له خوا د افغان کلتور او لاسي صنایعو څخه الهمام اخیستل شوي جامو ټولګې په نندارې اعتراض وکړ.
