افغانستان کې د ملګرو ملتونو سیاسي استازولۍ (یوناما) اعلان وکړ، چې د دې بنسټ نوې مشره او د ملګرو ملتونو د سرمنشي ځانګړې استازې رباب فاطمه کابل ته ورسېده.
رخشانه: یوناما نن (یکشنبې د تلې ۲۶ مه) به خپله فسبوک پاڼه د یوه پوسټ په خپرولو سره لیکلي، رباب فاطمه په رسمي توګه خپله دغه پیل کړې ده.
رباب فاطمه بنګله دېشۍ ښځینه دیپلوماته ده، چې شاوخوا درې میاشتې وړاندې د افغانستان لپاره د ملګرو ملتونو د ځانګړې استازې په توګه ټاکل شوې ده.
هغه د قرغیزستاني دیپلوماتې روزا اوتونبایوا، چې ماموریت یې د ۲۰۲۵ په سټمبر کې پای ته ورسېد، ځای ناستې شوه.
د یوناما د مشرې مېرمن اوتنبایوا د ماموریت له پای ته رسېدو وروسته، د یوناما سیاسي مرستیال جورجت ګانیو په افغانستان کې د دې بنسټ سرپرستي پر غاړه درلوده.
رباب فاطمه په ملي او نړیواله کچه د ملکي خدماتو په برخه کې ۳۰ کلنه تجربه لري.
هغې د امریکا له تافتس پوهنتون څخه د نړیوالو اړیکو او دیپلوماسۍ برخه کې د ماسټرۍ او د استرالیا له کانبیرا پوهنتون څخه په ټولنیزو چارو کې د لیسانس سندونه تر لاسه کړي دی.
د یوناما مشره پر داسې مهال کابل کې خپله دنده پیل کړې ده، چې د طالبانو تر واک لاندې افغانستان کې د بشري حقونو تر پښو لاندې کول، پر اساسي خپلواکیو محدودیتونه او د ښخو د حقونو څخه سرغړونې لا هم دوام لري.
