غزني کې د طالبانو امنیه قوماندانۍ په یوه خبرپاڼه کې ویلي، د دې ولایت په «ګیرو» ولسوالۍ کې د یوه ماشوم هلک جسد موندل شوی دی.
رخشانه: د دې ماشوم جسد پرون سه شنبې د (لړم ۲۶ مه) د ګیرو ولسوالۍ په یوه غرنۍ سیمه کې موندل شوی دی.
د خبرپاڼې له مخې دا هلک څلور ورځې وړاندې د ګیرو ولسوالۍ د «علي خېل» کلي څخه ورک شوی وو.
د دې هلک عمر ۱۲ کاله ښودلی شوی او د هویت په اړه یې جزیات په لاس کې نشته.
غزني کې د طالبانو امنیه قوماندانس دا نه دي ولي، چې دا هلک څه ډول او د چا له خوا په کومه وسیله وژل شوی دی.
په هغه انځور کې چې د هلک د جسد موندلو له ځای څخه خپاره شوي، لیدل کېږي، چې د هغه پر جسد څو ډبرې اېښودل شوې دي.
د غزني امنیه قوماندانۍ ویلي، ګمان کېږي، چې دا هلک د «شخصي اختلافاتو» له امله وژل شوی وي.
طالبانو د پېښې په تړاو یو تن نیولی او وايي، د دې هلک د قتل څرنګوالي لپاره پلټنې پیل شوې دي.







