د رخشانه رسنۍ
  • کور پانه
  • خبر
  • راپور
  • شننه
  • ژباړه
  • مرکه
  • دوسیه
  • کیسه
  • زموږ په اړه
English
فارسی
مرسته وکړئ
No Result
View All Result
  • کور پانه
  • خبر
  • راپور
  • شننه
  • ژباړه
  • مرکه
  • دوسیه
  • کیسه
  • زموږ په اړه
No Result
View All Result
د رخشانه رسنۍ
حمایت

د ښوونځي وروستۍ زنګ، د ښوونځي د لین پر ځای د اوبو په لیکه کې (۹)

19 نوومبر 2026
د ښوونځي وروستۍ زنګ، د ښوونځي د لین پر ځای د اوبو په لیکه کې (۹)

انځور: رخشانې رسنۍ ته رالېږل شوی

یادونه: دا روایتونه د هغو نجونو کیسې دي، چې سږ کال له شپږم ټولګي پاتې شوې. له زده کړو محرومیت د ټولیز تاوتریخوالي تر ټولو هغه ښکاره ډول دی، چې د یوه نسل راتلونکې ترې اخلي. رخشانه رسنۍ د لومړنۍ لاس کیسې د نوامبر د ۲۵ په مناسبت، چې د ښځو په وړاندې د تاوتریخوالي له منځه وړلو نړیواله ورځ ده، خپروي.

زه صدف یم او څوارلس کلنه، سږ کال مې شپږم ټولګی پای ته ورساوه او د زرګونه نورو نجونو تر څنګ، له زده کړې، خوبونو لیدلو او یوې روښانه راتلونکې څخه محرومه شوم.

په یاد مې دي، زما د خوشې وړ مضمون ریاضي وو. له ټولو مې زیات دا مضمون خوښېده. ځکه راته په زړه پورې وو او کنجکاوه کېدم، تل مې خوښېدل، چې یوه مسالې پیدا کړم.

یوازې درس نه مو چې زه یې هڅولم تر څو هره ورځ په لېوالتیا سره ښوونځي ته لاړه شم. د نویو ملګرو موندل، د خپلو هیلو په اړه خبرې اترې او په هغو ساعتونو کې چې درس مو نه درلود، د خپلو هیلو یو له بله شریکول مو د هغو ورځو د خوښیو یوه بله برخه وه.

زما د نېږدې ملګرې او ټولګیوالې نوم کامله وو، له هغې سره مو د ولیبال لوبه کوله. هغه ورځې راته عادي وې، خو اوس پوهه شوم چې څومره ارزښت یې راته درلود.

هیله مې درلوده، چې ښوونځی پای ته ورسوم پوهنتون ته لاړه شم، له هېواده بهر زده کړې وکړم او یوه ورځ خپل کار و بار ولرم. خو په درېیم ټولګي کې وم چې ُوهه شوم، ښايي تر شپږم ټولګي پورې زده کړې وکړای شم او له هغې وروسته ښوونځي ته د تګ اجازه ونه لرم.

شپږم ټولګی چې تمام شو، ډېر مې وژړل، خو له هېچا سره مې خبرې ونه کړې. کورنۍ مې هم ناارامه وه.

له هغو ورځو وروسته مې ښوونځی یوازې په خاطرو کې پاتې شو. نور مې له ټولګیوالو سره اړیکه نه لرم. زړه مې پسې تنګ شوی دی، هغې بېړې پسې چې ښوونځي ته له تګ وړاندې مې درلوده، په درس ویلو پسې، د ازموینې د ورځې د وېرې پسې.

په دې اړه نور ولولئ...

بامیانۍ ښځې څه ډول په خواخوږۍ د خپل کار و بار سخته لار آسانه کوي؟

معترضې ښځې: د ښځو او نجونو پر حقونو او اساسي خپلواکیو د طالبانو محدودیتونه د تاوتریخوالي یو ډول دی

اوس کتاب لولم او د انګلیسي ژبې کورس ته ځم، خو لویه اندېښنه مې دا ده، چې ښايي هېڅ وخت مې خپلو هیلو ته ونه رسېږم. هغه خوبونه چې زما د خاطرو په کتابچه کې لیکل شوې وې: «کله چې لویه شم، خپل ښوونځی به تماموم، پوهنتون ته به ځم، له هېواده بهر به زده کړې کوم او یوه بریالې ښځه به کېږم.»

خو دا ورځې تر ډېره په کور تېرېږي. اوس هم د تېر په څېر سهار وختي له خوبه پورته کېږم، خو ښوونځي ته د تګ لپاره نه، بلکې له نېږدې موټر وینځي څخه د اوبو روړلو لپاره. په هغه ځای کې چې موږ ژوند کوو، خلک د څښاک اوبه نه لري او کله کله اړ کېږي، چې د یوې بوشکې اوبو موندلو لپاره په ساعتونو ساعتونو په لیکه کې ودرېږو.

هر ځل چې اوبو ته په نوبت کې درېږم، د ښوونځي د ورځې سهار مې یادېږي. هغه سهارونه چې ټول به ټولګي ته منظم په لین کې ولاړې وو، شعر به مو ویلو، هه لیکې راته د یوې تازه ورځې پیل وو، خو دا لیکې د هغو شیانو یادونکې دي، چې له لاسه مې ورکړي دي.

نور مو سهار په مینې سره د ښوونځي د یونیفورم په اوتو کولو او د درس د پیل لپاره په چمتوالي نه پیلېږي. اوس باید له نانوايۍ نه د ډوډۍ راوړلو او د کور جارو کولو لپاره پاڅو.

څو شپې وړاندې مې خوب لیده، چې بیا په ښوونځي کې وم. ازموینه مو درلوده او له ټولیګوالو سره مې درس لوستلو. کله چې راپورته شوم، پوهه شوم، هغه څه چې ډېر مې زړه پسې تنګ شوی دی، هغه هماغه د ښوونځي ورځې دي.

لا هم هیله منده یم، که ښوونځي بیا پرانستل شي، غواړم بیا ښوونځي ته لاړه شم، درس ولولم او خپلو هیلو ته د رسېدو لپاره هڅې وکړم. یوازې څه چې غواړم دا دي، چې نور ښوونځي ته د تګ په وړاندې هېڅ ډول خنډ شتون ونه لري.

اړوندې لیکنې

فراه کې د هاوان مرمۍ چاودنې د څلورو ماشومانو ژوند واخیست
خبر

فراه کې د هاوان مرمۍ چاودنې د څلورو ماشومانو ژوند واخیست

21 نوومبر 2026
د ښوونځي وروستۍ زنګ، ګڼو ټولګیوالو مې ودونه کړي (۱۰)
دسته‌بندی نشده

د ښوونځي وروستۍ زنګ، ګڼو ټولګیوالو مې ودونه کړي (۱۰)

20 نوومبر 2026
افغان ښځې د پاریس «افتخاري ښاریانې» شوې
خبر

افغان ښځې د پاریس «افتخاري ښاریانې» شوې

20 نوومبر 2026
بې پولې ډاکتران: افغانستان کې په خوراځواکۍ د اخته ماشومانو شمېر کابو ۳۰ سلنه زیات شوی
خبر

بې پولې ډاکتران: افغانستان کې په خوراځواکۍ د اخته ماشومانو شمېر کابو ۳۰ سلنه زیات شوی

20 نوومبر 2026
طالبانو د دایکندي په سنګ تخت او بندر کې څلور نجونې د څو ساعتونو لپاره ونیوې
خبر

طالبانو د دایکندي په سنګ تخت او بندر کې څلور نجونې د څو ساعتونو لپاره ونیوې

19 نوومبر 2026
غزني کې د یوه ماشوم هلک جسد موندل شوی
خبر

غزني کې د یوه ماشوم هلک جسد موندل شوی

18 نوومبر 2026

ځواب دلته پرېږدئ ځواب لرې کړه

ستاسو برېښناليک به نه خپريږي. غوښتى ځایونه په نښه شوي *

  • کور پانه
  • خبر
  • راپور
  • شننه
  • ژباړه
  • مرکه
  • دوسیه
  • کیسه
  • زموږ په اړه

Registered Charity No 1208006 and Registered Company No 14120163 - Registered in England & Wales - Registered office address: 1 The Sanctuary, London SW1P 3JT

Copyright © 2024 Rukhshana

فارسی English
No Result
View All Result
  • کور پانه
  • خبر
  • راپور
  • شننه
  • ژباړه
  • مرکه
  • دوسیه
  • کیسه
  • زموږ په اړه